"चिमणी दिन" निमित्त....

कुठे आहात गड्यांनो, शोधतोय मी तुम्हाला
तुमचं नेसर्गिक रंग रुप आणि भाबडेपणा
दाखवायचा आहे माझ्या मुलाला

बालपणी माझ्या,
होतात तुम्ही रस्त्यावर, झाडांवर आणि अंगणात
गोष्टी ऐकतांना तुमच्या, पाहायचो मी तुम्हालाच फक्त स्वप्नात

पावसाळ्यात,
भिजलेल्या पंखांनी शॉवर तुम्ही करायचात
कुठल्यातरी छप्पराखाली
काट्याकुट्यांच्या घरट्यात आनंदाने राहायचात

गुडुप झालात माझ्या खिडकीच्या नभातून
यारे या, परत यारे सारे,
दाखवायची आहेत मला
चिउ-काउ, राघू-मैना आणि फुलपाखरे

नवीन वर्षी केलाय संकल्प,
झाडे लावीन सर्वत्र अनेक
ज्यावर बांधाल तुम्ही छोटं घरटं एक

बहरेल तुमचा संसार तिथे
रोज दिवसागणिक
मुलाला नाही भेटलात तरी चालेल
पण वाढवा माझ्या नातवाशी जवळीक।

@ मिलिंद संबुध्दे